આજરોજ સવારના સમયે ભરૂચ જિલ્લા કોંગ્રેસ સમિતિના પ્રમુખ પરિમલ સિંહ રણા ભરૂચ -વડોદરા હાઇવે ઉપરથી પોતાની કાર લઈ પસાર થઈ રહ્યા હતા.
તે દરમ્યાન સેગવા ગામ પાસે તેઓની કાર અને ડમ્પર વચ્ચે અકસ્માત સર્જાયો હતો. સેગવા ગામ પાસે હાઇવે ઉપર આવેલ તુલસી હોટલ પાસે ડમ્પર અને કાર વચ્ચે સર્જાયેલ અકસ્માતમાં કારમાં સવાર ભરૂચ જિલ્લા કોંગ્રેસ પ્રમુખ પરીમલસિંહ રણાનો આબાદ બચાવ થયો હતો.
આ ઘટના બાદ સ્થળ ઉપર લોક ટોળા અને કોંગ્રેસના કાર્યકરો પણ ઘટના સ્થળે દોડી ગયા હતા. આ અકસ્માતની ઘટનામાં કોંગ્રેસ પ્રમુખની કારનો ખુરદો બોલી ગયો હતો. આ ઘટના અંગેની જાણ સ્થાનિક પોલીસને કરવામાં આવતા પોલીસે સ્થળ ઉપર દોડી જઈ અકસ્માત મામલે વધુ તપાસ હાથધરી હતી.
