વાલિયાની શ્રી રંગ નવચેતન મહિલા કોલેજ ખાતે સાંસદ મનસુખ વસાવાના અધ્યક્ષ સ્થાને સુકન્યા સમૃદ્ધિ યોજના પાસબુક વિતરણ સાથે 3 એમ્બ્યુલન્સ અને જેટિંગ મશીનનો લોકાર્પણ કાર્યક્રમ યોજાયો હતો.
વાલિયાની શ્રી રંગ નવચેતન કોલેજ ખાતે બુધવારે સુકન્યા સમૃદ્ધિ યોજના હેઠળ લાભાર્થીઓને પાસબુક વિતરણ કરાયું હતું. સાંસદ મનસુખ વસાવાની ગ્રાંટમાંથી 3 એમ્બ્યુલસ, ભરૂચ જિલ્લા પંચાયતની 15માં નાણાપંચની ગ્રાંટમાંથી જેટિંગ મશીનનું લોકાર્પણ કરાયું હતું.
આ કાર્યક્રમમાં મુખ્ય મહેમાન તરીકે સાંસદ, માજી પ્રદેશ મહામંત્રી ભરતસિંહ પરમાર ઉપસ્થિત રહ્યા હતા. સાથે જ વાલિયા તાલુકા પ્રમુખ સેવન્તુ વસાવા, ઉપપ્રમુખ ધરમસિંહ વસાવા, ભાજપ પ્રમુખ પૃથ્વીરાજસિંહ ગોહિલ, મહામંત્રી રામસીંગ વસાવા, કિરીટભાઈ વસાવા સહિતના મોટી સંખ્યામાં જોડાયા હતા.