ભરૂચ ના પશ્ચિમ વિસ્તારમાં વોર્ડ નં. ૧૦ના છીપવાડ વિસ્તારમાં પાલિકાની બેદરકારી અને ગોકળગતીએ ચાલતા કામના પગલે એક મારૂતિવાન ચાલક સાથે ખુલ્લી ગટરમાં ખાબકતા દોડધામ મચી જવા પામી હતી.
ભરૂચના છીપવાડ ચોકમાં ખુલ્લી ગટરોના પગલે અવાર નવાર અકસ્માત સહિત વાહનો ખાબકવાની ઘટનાઓ બનતી રહે છે. પાલીકા દ્વારા રસ્તા સહિતની કામગીરી કાચબા ગતીએ ચાલતા પ્રજા માટે આ ગટરો વધુ એક વાર જોખમી સાબિત થઈ છે. જેમાં આજે એક મારૂતિવાન સાથે ચાલક ખુલ્લી ગટરમાં ખાબક્યો હતો. પ્રયત્નો કરવા છતાં મારૂતિ વાન ગટરમાંથી ન નિકળતા એકત્રીત ટોળા અને ટ્રેકટર વડે મહામહેનતે મારૂતિવાનને બહાર કાઢવામાં આવી હતી. પાલિકાના બેદરકારીના પગલે પ્રજાજનો અકસ્માતનો ભોગ બનતા હોય સ્થાનિકોમાં પાલિકા સત્તાધીશો અને ગોકળગાયની ગતીએ કામ કરતા કોન્ટ્રાકટરો પ્રત્યે રોષ ફેલાયો હતો. સ્થાનિકો દ્વારા પાલિકા દ્વારા ચાલતી કમગીરી ઝડપી બનાવાય તેવી માંગ કરવામાં આવી છે.