વડોદરા-સુરત હાઈવે પર આવતા વિવિધ ટ્રાફિક પોઇન્ટ પર પોલીસ પોઇન્ટના માણસો તથા ટી.આર.બી. હોમગાર્ડના માણસો માલવાહક, પેસેન્જર વાહન ચાલકોને રોકી તેઓ પાસેથી એન્ટ્રી ના નામે રૂ.૧૦૦ થી રૂ.૧૦૦૦ સુધીની લાંચની માંગણી કરી પૈસા પડાવે છેની બુમો ઉઠવા પામી હતી. વડોદરા એસીબી એ જે મળેલ માહિતી ની ખરાઈ કરવા અને સત્ય જણાય તો કાયદેસરની કાર્યવાહી કરવા ગત રવિવારે ટ્રેપ ગોઠવી હતી.
લાંચના ડીકોય છટકા નું આયોજન કરી ડિકોયરનો સહકાર મેળવી સહકાર આપનાર ડીકોયરના ટેમ્પાને વડોદરા થી ભરૂચ હાઇવે પર પસાર થતા. અંકલેશ્વર ની રાજપીપળા ચોકડી ના બ્રીજ નીચે આવેલા ટ્રાફિક પોઈન્ટના ફરજ પરના ટી.આર.બી. જવાને ડીકોયર ના છોટા હાથીને રોકી ડિકોયર પાસેથી રૂ.૧૦૦ની લાંચની માંગણી કરી હતી. લાંચ સ્વીકારતા અંકલેશ્વર GIDC પોલીસ સ્ટેશનમાં ફરજ બજાવતા TRB જવાન મનીષ ગુમાન પટેલ રંગેહાથ પકડાઈ ગયો હતો. જે અંગે વડોદરા PI એસ.એસ.રાઠોડે ફરિયાદ નોંધાવી હતી.