વાલિયા ની પોલીટેકનીક કોલેજ માં તસ્કરો જનરેટર ની બેટરી અને કેબલ વાયર ની ચોરી કરી ફરાર જતા વાલિયા પોલીસે તપાસ હાથ ધરી છે. પોલીસ સૂત્રીય માહિતી મુજબ વાલિયા પોલીટેકનીક કોલેજ ના પ્રિન્સિપાલ દિગ્વિજય બોડાણા તારીખ 25 એપ્રિલ ના રોજ સવાર ના અરસામાં કોલેજ ઉપર આવ્યા હતા.
કોલેજ માં લાઈટ ન હોવાના કારણે તેઓ બહાર નીકળી જનરેટર થી લાઈટ નું ટ્રાન્સફોમર થતું હોય તે જોવા માટે ગયા હતા ત્યાં કોપર ના કેબલ વાયર ની ચોરી થઇ હતી તેમજ તેઓ એ જનરેટર માં ચેક કરતા બેટરી ની પણ ચોરી થઇ હોવાનું જણાયું હતું , દિગ્વિજય બોડાણા એ રૂપિયા 8 હજારના કોપર ના કેબલ અને રૂપિયા 22 હજાર 500 ની કિંમત ની જનરેટર ની બેટરી મળી રૂપિયા 30 હજાર 500 ના મુદ્દામાલ ની ચોરી નાગે વાલિયા પોલીસ મથક માં ફરિયાદ નોંધાવી હતી પોલીસે ગુન્હો નોંધી વધુ તપાસ હાથ ધરી છે.