દેડીયાપાડામાં નોંધાયેલ ગુનાની વિગત મુજબ વિરસિંહ વસાવાને મેળામાં ત્રણ અજાણ્યા ઇસમો મળતા તેની સાથે મિત્રતા કેળવી ત્યારબાદ બાઇક ઉપર બેસાડી શેરવાઇ ગામ તરફ જવાના રસ્તા ઢીકાપાટુનો માર મારી પાસેના આવેલ ખેતરમાં લઇ જઇ ગળાના ભાગે શેવીંગ બ્લેડ મારી રોકડ રકમ લૂટી લઇ નાસી ગયા હતા. દરમ્યાન ફરીયાદી નજીકના ગામમાં રહેતા તેના માસીને ત્યાં જતા દેડીયાપાડા હોસ્પિટલ ખાતે સારવાર અર્થે ખસેડવામાં આવ્યો હતો.
ગુનાની તપાસ દરમ્યાન પોલીસે બાતમીદાર મારફતે બાતમી હકીકત મેળવવા તેમજ ટેક્નીકલ સર્વેલન્સ આધારે માહીતી મળેલ કે આ ગુનાને ત્રણ આરોપીઓ અંજામ આપેલ હોય જે પૈકી કુંદન રોહીદાસ વસાવા, નરેન કૃષ્ણા વસાવા તથા પરેશ રાયસીંગ વસાવાઓની અટક કરી ત્રણેવને યુક્તિ પ્રયુક્તિથી પુછપરછ કરતા સદર ગુનાની કબુલાત કરતાં હોય જેથી ૩ આરોપીઓને ગુનાના કામે અટક કરી લૂંટમાં ગયેલ તમામ મુદ્દામાલ રીકવર કરી દેડીયાપાડા પોલીસ મથકે સોંપી આગળની કાયદેસરની કાર્યવાહી કરવામાં આવી છે.