આજથી ગુજરાતમાં 15મી માર્ચ સુધીમાં સ્પેશિયલ ટ્રાફિક ડ્રાઇવ (Special traffic drive) ચલાવવામાં આવશે. જેમાં હેલમેટ તથા સીટ બેલ્ટ પહેર્યા વગર દેખાશો તો વાહન ચાલકો પાસેથી 500 રુપિયા દંડ લેવામાં આવશે. માર્ગ અકસ્મતમાં મોત તથા ઇજાના બનાવો અટકાવા માટે ગુજરાત રાજ્યમાં પોલીસે તારીખ 6 એટલે આજથી, 15મી માર્ચ સુધી મેગા ડ્રાઇવનું આયોજન કર્યુ છે. જેમાં હેલમેટ તથા સીટ બેલ્ટ નહી પહેરનારા વાહન ચાલકો પાસેથી ટ્રાફિક નિયમ ભંગ બદલ રુપિયા 500 દંડ વસૂલવામાં આવશે.
આ વિશેષ ડ્રાઇવ આખા ગુજરાતમાં શરૂ કરવામાં આવશે. જેમાં પોલીસને એવી સૂચના આપવામાં આવી છે કે, હેલ્મેટ અને સીટ બેલ્ટના નિયમનો ભંગ કરવાના વધુમાં વધુ કેસમાં કરવામાં આવશે. એટલે કે, જો કોઈ વાહન ચાલક હેલ્મટ પહેર્યાં વગર નીકળશે અથવા સીટ બેલ્ટ બાંધ્યા વગર વાહન ચલાવશે તો તેની સામે કાર્યવાહી કરવામાં આવશે. આ મામલે પોલીસ કમિશનરો અને જિલ્લા પોલીસ વડાઓને પત્ર લખીને જાણ કરવામાં આવી છે. આ ઉપરાંત તેમના તરફથી કેટલો દંડ વસૂલ કરવામાં આવ્યો, કેટલા કેસ કરાયા તેની માહિતી બીજા દિવસે સવારે આઠ વાગ્યા સુધી મોકલી આપવાનો આદેશ પણ કરવામાં આવ્યો છે.
આ ડ્રાઇવ ગુજરાત રાજ્યમાં અમદાવાદ, વડોદરા, સુરત અને રાજકોટ સહિતના શહેરો તથા સમગ્ર જિલ્લાઓમાં આજથી 15મી માર્ચ સુધી ચલાવવામાં આવશે. ટ્રાફિક પોલીસ દ્વારા હેલમેટ તથા સીટ બેલ્ટના ટ્રાફિક નિયમ ભંગ બદલ પોલીસ વાહન ચાલક પાસેથી 500 દંડ વસૂલ કરવામાં આવશે.
હેલમેટ પહેર્યા વગર જો કોઈ વાહન ચાલક પહેલી વખત પકડાય તો રૂ.500 દંડ વસૂલ કરાય છે. તેવી જ રીતે સીટ બેલ્ટ પહેર્યા વગર જો કોઈ કાર ચાલક પહેલી વખત પકડાય તો તેની પાસેથી ટ્રાફિક પોલીસ રૂ.500 દંડ વસૂલ કરે છે. જ્યારે બીજી વખત જો કોઈ વાહન ચાલક હેલમેટ કે સીટ બેલ્ટ વગર પકડાય તો પોલીસ તેની પાસેથી રૂ.1000 દંડ વસૂલ કરવાનો નિયમ છે.
