• ભરૂચ એલ.સી.બીના હાથે અલગ-અલગ જીલ્લામાં વોન્ટેડ આરોપી ઝડપાયો

ભરૂચ જીલ્લા પોલીસ અધિક્ષક દ્વારા પ્રોહીબિશનના ગુનામાં વોન્ટેડ આરોપીઓને સત્વરે ઝડપી પાડવા આપેલ સુચના આધારે જે.એન.ઝાલા પોલીસ ઇન્સપેક્ટર એલ.સી.બી. ભરૂચના માર્ગદર્શન મુજબ જીલ્લામાં દારૂ/જુગાર કેશો શોધી કાઢવા તથા પ્રોહીબિશનના ગુનાઓમાં લાંબા સમયથી વોન્ટેડ આરોપીઓને ઝડપી પાડવા ભરૂચ લોકલ ક્રાઇમ બ્રાન્ચની અલગ અલગ ટીમો બનાવી વર્કઆઉટ શરૂ કરવામાં આવ્યું હતું.

ભરૂચ એલ.સી.બી.ને હ્યુમન ઇન્ટેલિજન્સ તથા ટેક્નિકલ સર્વેલંન્સથી મળેલ હકિકત આધારે અંકલેશ્વર તાલુકાના કુખ્યાત બુટલેગર ઇલદ્રીશ ઉર્ફે ભૈયો મનુખાં શેખને દમણ મુકામેથી એલ.સી.બી.દ્વારા ઝડપી પાડવામાં આવ્યો હતો. આ આરોપીની પુછપરછમાં ભરૂચ જીલ્લાના ૩ પ્રોહીબીશનના ગુનામાં તથા વડોદરા ગ્રામ્યના કરજણના ૧ ગુનામાં તેમજ નવસારી જીલ્લાના ચીખલીના ૦૧ પ્રોહીબીશનના તથા સુરત ગ્રામ્ય ના કોસંબા.ના ૦૧ ગુનામાં મળી કુલ ૦૬ ગુનામાં વોન્ટેડ હોવાની હકિકત જણાવી હતી.

પોલીસે આ આરોપી ઇદ્રીશ ઉર્ફે ભૈયો મનુખાં શેખ રહેવાસી. મકાન નં ૨૮૦ પ્રતિષ્ઠા રેસીડેન્સી નવજીવન હોટલ પાછળ, પાનોલી તા.અંકલેશ્વર જી.ભરૂચને મોબાઇલ નંગ-૦૨ કિ.રૂ. ૧૦,૦૦૦/-, વરના ફોરવ્હીલ ગાડી નં ઉ 16 808 6055 કિ.રૂ.૫,૦૦,૦૦૦/- મળી કુલ મુદ્દામાલ કિ.રૂ.૫,૧૦,૦૦૦/- કબ્જે લઇ તેના વિરૂધ્ધ કાયદેસર કાર્યવાહી કરી ભરૂચ શહેર “બી” પો.સ્ટે.માં સોંપવામાં આવ્યો છે.