ઝાડેશ્વર ખાતે જે. બી. મોદી વિધાલયમાં વિશ્વ યોગ દિવસ ૨૦૨૩ ઉજવાયો

જે. બી. મોદી વિધાલય, ઝાડેશ્વરમાં તા. ૨૧-૬-૨૦૨૩ ના રોજ “વિશ્વ યોગ દિવસ” ૨૦૨૩ની ઉજવણી કરવામાં આવી હતી. યોગ એ પ્રાચીન ભારતની વિશ્વને મળેલી અમૂલ્ય ભેટ છે.

1 of 5

ભારતીય સંસ્કૃતિનો અણમોલ વારસો છે. આ વારસાનું જતન અને સંવર્ધન થાય, વિધાર્થીઓ યોગનું મહત્વ સમજે અને તેનો લાભ મેળવી શકે એ હેતુથી સ્કૂલમાં વિદ્યાર્થીઓને વિવિધ યોગાસનો, પ્રાણાયામ તથા ધ્યાન નિયમિત રીતે દરરોજ કરાવવામાં આવે છે અને દર મહિનાની ૨૧ તારીખે ૧ કલાક યોગાસન કરાવવામાં આવે છે.

જેના પરિણામ સ્વરૂપ બધા જ વિધાર્થીઓએ ખુબ જ કુશળતાપૂર્વક વિશ્વ ચોગ દિવસની ઉજવણીમાં ભાગ લીધો. શરીરની સાથે સાથે મન અને મગજને પણ સ્વાસ્થ્ય બક્ષતા યોગના વિવિધ આસનો તથા પ્રાણાયામની રજૂઆતની સાથે જ તેમનું મહત્વ અને ફાયદાની પણ સમજૂતી આપવામાં આવી હતી. આ પ્રસંગે શાળાના માનનીય ટ્રસ્ટી શ્રીમતી નિકીબેન મહેતા ઉપસ્થિત રહ્યા કે જેમના માર્ગદર્શન અને પ્રોત્સાહન હેઠળ શાળામાં આવી વિવિધ પ્રવૃત્તિઓ સતત યોજાય છે. આ ઉપરાંત વાલીમિત્રો પણ અમારા સૌ સાથે વિશ્વ યોગ દિવસની ઉજવણી માં સંમેલિત થયા. સૌના સંકલન અને સહકારથી આ કાર્યક્રમ સફળ રીતે સંપૂર્ણ થયો.