ભરૂચ શહેર અને જિલ્લામાં નશાકારક વસ્તુઓનું ઉત્પાદન અને વેચાણ બંધ થાય એ માટે પોલીસ દ્વારા વિશેષ તકેદારી રાખવામા આવી રહી છે. જેના ભાગરૂપે ભરૂચ સ્પેશિયલ ઓપરેશન ગૃપના સભ્યો નર્મદા ચોકડી નજીક પેટ્રોલિંગમાં હતા.
દરમિયાન બાતમી વાળી કાર ટોયોટો કોરોલા ગાડી નં GJ-01-HF 6146 આવતા તેને અટકાવી કારમાં તપાસમાં કરતાં બોનેટના ભાગે સંતાડેલ રૂ. 59 હજાર 300ની કિંમતનો ૫ કીલો ૯૩૦ ગ્રામ ગાંજાનો જથ્થો મળી આવ્યો હતો. પોલીસે આરોપી હાર્દિક બકુલભાઇ ભાટક, ઉ.૩૬, રહે ૨૦૨ સહજાનાંદ કોમ્પલેક્ષ તુલસીધામ સોસાયટી પાસે ઝાડેશ્વર રોડ ભરૂચ ની ધરપકડ કરી હતી.
ઉલ્લેખનીય છે કે આરોપી ભરૂચના ઝાડેશ્વર રોડ પર આવેલા સહજાનંદ કોમ્પ્લેક્ષનો રહેવાસી છે અને તેણે સુરતના એક ઈસમ પાસેથી ગાંજાનો જથ્થો લીધો હોવાનું બહાર આવ્યું છે. એસ.ઓ.જી પોલીસે આ મામલામાં આરોપીની ધરપકડ કરી કાયદેસરની કાર્યવાહી હાથ ધરી છે.