અંકલેશ્વરના સાંળગપુર નજીક આવેલ મંગલદીપ સોસાયટીમાં પતિએ ગળે ફાંસો લગાવી આપઘાત કરવાની ઘટના સામે આવતા ચકચાર મચી જવા પામી છે.
મૂળ ભાગલપુર બિહારના મોહિદ્પુરના રહેવાસી અને હાલ અંકલેશ્વરના સાંળગપુર નજીક આવેલ મંગલદીપ સોસાયટી-૧માં રહેતા નિરંજન આમીર તાતીને પત્ની રાનીદેવી સાથે મોબાઇલ માંગતા થયેલ ઝઘડાનું માઠું લાગી આવતા પતિ નિરંજન તાતીએ ઘરમાં પંખા સાથે ફાંસો લગાવી આત્મહત્યા કરી હોવાની ઘટના પ્રકાશમાં આવી છે. આ ઘટનાની જાણ જી.આઇ.ડી.સી પોલીસને કરાતા પોલીસે ઘટના સ્થળે પહોંચી મૃતકની લાશનો કબ્જો મેળવી આગળની કાર્યવાહી હાથધરી છે.