જીલ્લા પોલીસ અધિક્ષક મયુર ચાવડાની સીધી સુચના મુજબ પોલીસ ઇન્સ્પેકટર એન.એસ.વસાવા એન્ટી હ્યુમન ટ્રાફિકીંગ સ્કોર્ડ ભરૂચની સુચના મુજબ AHTU ના પોલીસ સ્ટાફના માણસોની ટીમ બનાવી અપહરણ તથા પોક્સો એક્ટના ગુનાના નાસતા ફરતા આરોપીઓ શોધવા સુચના આપી હતી.
દરમિયાન AHTU પોલીસ ટીમને અંગત બાતમીદારથી બાતમી મેળવી હતી કે આમોદ પોલીસ મથકના પાર્ટ- એ ઇ.પી.કો કલમ ૩૬૩, ૩૬૬, તથા પોકસો એક્ટ કલમ ૧૨ મુજબના ગુનાના કામનો આરોપી તથા ભોગબનનાર આમોદ તાલુકાના સરભાણ ગામમાં આવવાના છે.
જેથી AHTU ટીમે સરભાણ ગામ ખાતે વોચમાં રહી આરોપી તેમજ ભોગબનનારને સરભાણ ચોકડો ખાતેથી તેના નામ ઠામની ખાતરી કરી આ ગુનાના છેલ્લા ૨૧ માસથી નાસતા ફરતા આરોપીને ભોગબનનાર બાલીકા સાથે શોધી લાવી હાલ હસ્તગત કરી આગળની વધુ તપાસ સી.પી.આઈ. જંબુસરને સોપવામાં આવી છે.