ભરૂચ જીલ્લા પોલીસે ગેરકાયદેસર ઉંચા વ્યાજના દરે નાણા ધિરાણ કરતા વ્યાજખોરો સામે ખાસ ઝુંબેશ હાથ ધરી 9 પૈકી 5 ઈસમોને ઝડપી પાડી બળજબરીથી લીધેલ કાર સહિતનો મુદ્દામાલ કબજે કરી વધુ તપાસ હાથ ધરી છે.
રાજ્યના ગૃહ વિભાગ અને ડીજી કચેરી દ્વારા ગેરકાયદેસર ઉંચા વ્યાજના દરે નાણા ધિરાણ કરતા વ્યાજખોરો સામે કડક કાર્યવાહી કરવા સુચનાને પગલે ભરૂચ જીલ્લા પોલીસ વડા ડો.લીના પાટીલ દ્વારા ખાસ ઝુંબેશ હાથ ધરવામાં આવ્યું છે. ભરૂચ સી ડીવીઝન પોલીસ મથક ખાતે 3 ગુના અને અંકલેશ્વર શહેર એ ડીવીઝન પોલીસ મથક ખાતે એક મળી કુલ 4 ગુના 9 વ્યાજખોરો સામે નોંધાવવા પામ્યા છે.
વ્યાજના બદલામાં બળજબરીથી લઈ લેવામાં આવેલી વરના ગાડી અને હિસાબની ડાયરીઓ, દુકાનના કાગળિયા કબજે કર્યા છે. આ અંગે જીલ્લા પોલીસ વડા ડો.લીના પાટીલએ પત્રકાર પરિષદ યોજી હતી અને વ્યાજખોરો સામે ઝઝૂમતા લોકો આગળ આવી ફરિયાદ કરવા અપીલ કરી છે. અને પોલીસ ચોક્કસ કડક રહે કાર્યવાહી કરશે તેવી ખાતરી જીલ્લા પોલીસ વડાએ આપી છે.
- આ 9 વ્યાજખોરો સામે કાર્યવાહી કરાઇ,
– સંદીપ ભરતભાઇ કાયસ્થ
– નિકિતા સંદીપ કાયસ્થ, શક્તિનગર, અંકલેશ્વર
– મોસમ નિખિલ શાહ વડોદરા હાલ ચાવજ
– મયુર રમણ પટેલ, પરમ કોમ્પ્લેક્ષ, ભરૂચ
– દિલીપ સોમચંદ્ર જાદવ, રામેશ્વર પાર્ક, ઝાડેશ્વર
– દેવાંગ ઉર્ફે દેવ મહેતા, જ્યોતિ નગર, ભરૂચ
– રાકેશ હરકિશનદાસ મોદી, નારાયણ એસ્ટેટ, ભરૂચ
– સુરેશ ભીખાભાઇ પરમાર, રચનાનગર, ચાવજ
– સતિષ ઉર્ફે સની દિનેશ ટેલર, આકાંક્ષા નગરી, દહેજ બાયપાસ
