વિશ્વ પ્રસિદ્ધ સ્ટેચ્યુ ઓફ યુનિટી આવેલ હોય તેવાં આદિવાસી વિસ્તાર એટલે ડેડીયાપાડા તાલુકામાં આવેલ પીપલા કંકાલા ગામમાં મુલાકાત લેતા નર્મદા જિલ્લા પંચાયત સંચાલિત પ્રાથમિક શાળા પીપલા કંકાલા ગામમાં એક જ ઓરડામાં ધોરણ ૧ થી ૫ સુધીના બાળકો શિક્ષણ લેતા જોવા મળ્યા હતા.
હાલની સંવેદનસિલ સરકાર વિકાસના નામ પર વાહ વાહી લૂંટાવી રહી છે ત્યારે દેડીયાપાડાનું સરકારી તંત્ર ઊંઘતું ઝડપાઈ ગયું છે અને રાજ્ય સરકારની પોલ ખોલતું શિક્ષણ સંકુલ સામે આવ્યુ છે.
દેડીયાપાડા તાલુકા મથક થી માત્ર પાંચ કિલોમીટર દૂર આવેલું પીપલા કંકાલા ગામમાં શિક્ષણની દયનિય અને કથળેલી હાલત જોવાં મળી, તાલુકા મથકે થી નજીકના ગામ માં આ પ્રમાણેની હાલત હોય તો ડેડીયાપાડા થી ઊંડાણવાળા વિસ્તારોના ગામોમાં શું હાલત હોય એ પ્રશ્ન દરેકના મનમાં ઉદ્દભવે.!
પીપલા કંકાલા ગામના આગેવાને જણાવ્યું હતું કે ઘણા સમયથી સરકારી તંત્રને રજૂઆત કરવા છતાં પણ અત્યાર સુધી મા અમને સંતોષકારક જવાબ મળ્યો નથી અને અધિકારીઓએ પ્રાથમિક શાળાના નવા ઓરડાઓ બાબતે કામગીરી હાથ ધરી નથી, વધુમાં ઉમેર્યું હતું કે અમારા ગામ ના નવા ઓરડાઓનું કામકાજ યુદ્ધના ધોરણે ચાલુ કરવામાં ન આવે તો અમે સૌ ગામના લોકો ધરણા પર બેસવાની ચીમકી ઉચ્ચારી રહ્યા છે.
- રિપોર્ટર: સર્જન વસાવા,ન્યુઝલાઇન, દેડીયાપાડા