આમોદ તાલુકાના મછાસરાથી જી.જી.એસ. ૨૫૩ જવાનો માર્ગ ઉપર ગાંડા બાવળ હોવાના કારણે એકટીવા અને બાઇક સામસામે ભટકાતા બંને ચાલકોને ગંભીર ઇજા થતાં તેમને આમોદ સામુહિક આરોગ્ય કેન્દ્ર ખાતે પ્રાથમિક સારવાર આપ્યા બાદ વધુ સારવાર માટે રીફર કરાયાં હતા.
આમોદ તાલુકાના મછાસરા ગામેથી રોજાટંકારીયા તરફ જવાના રસ્તા ઉપર જી. જી.એસ.૨૫૩ રોડ ઉપર ગાંડાબાવળ વધુ હોવાના કારણે રોજા ટંકારીયા તરફથી આવતી બાઈકના ચાલક સુરેશભાઈ રહે અંભેલ. મછાસરા તરફથી આવતી એકટીવાના ચાલક સિદ્દીક પટેલની એકટીવાને ધડાકાભેર સામ સામે ભટકાયા હતાં.જેના કારણે બંને ચાલકોને ગંભીર રીતે ઇજા થતાં ૧૦૮ દ્વારા આમોદ સામુહિક આરોગ્ય કેન્દ્ર ખાતે લાવવામાં આવ્યા હતા. ત્યાર બાદ વધુ સારવાર માટે સુરેશને ભરૂચ સિવિલ ખાતે રિફર કરવામા આવ્યો હતો.જ્યારે સિદ્દીકને વડોદરા સિવિલ ખાતે રીફર કરવામાં આવ્યો હતો.
- રિપોર્ટર:વિનોદ પરમાર,ન્યુઝલાઇન,આમોદ