દેડીયાપાડા મામલતદાર ઓફીસ ખાતે આવેલી જન સેવા કેન્દ્રમાં સોમવારે સવારથી જ નેટવર્ક બંધ રહેતા લોકો અટવાયા હતા.
હાલ શાળાના બાળકોનું પરીણામ જાહેર થતા અન્ય શાળામાં પ્રવેશ મેળવવા માટે જાતિના દાખલા માટે લોકોની સવારથી જ મામલતદાર ઓફિસે લાઇન લાગી ગઈ હતી. જાતિના દાખલ ઉપરાંત રેશનકાર્ડ, સ્ટેમ્પ તેમજ અન્ય કામગીરી સવારથી બંધ રહેતા લોકો અટવાયા હતા. સવાર થી જ જનસેવા કેન્દ્રમાં નેટવર્ક ન હોવાને કારણે લોકો લાઇનમાં ઉભા થાકી જઈ ઓફિસમાંજ નીચે બેસી ગયા હતા. ત્યારે પીપલોદ, ડુમખલ જેવા 35 થી 40 કી.મી. દુરથી આવનાર લોકો તડકામાં હેરાન પરેશાન થઈ ગયા હતા.
· રિપોર્ટર: સર્જન વસાવા,ન્યુઝલાઇન,દેડીયાપાડા (નર્મદા)