નેત્રંગની ચાસવડ ચોકડી ઉપર બે કાર સામ્સામે અથડાતા પાંચ બાઇક સહિત ઉભેલા એક દંપત્તીને પણ અડફેટે લીધા હતા જેમાં એક્નું મોત નીપજવા સાથે ૩ ઘાયલ થયા હતા.
વ્યારાથી નસવાડી એક શિક્ષકના પિતા ચાલક સાથે મારૂતિ સ્વીફ્ટ નેત્રંગ તરફ આવી રહ્યા હતા તે અરસામાં ચાસવડ ખાંડસરી બાજુથી ઝરણા ગામ તરફ ટાટા ટીયાગોના ચાલકે ચાસવડ ચોકડી ઉપર ગફલતભરી રીતે હાઇવે રોડ ઉપર નીકળતા મારૂતિ સ્વિફ્ટને અથાડતા સ્વીફ્ટ ગાડીના ચાલકથી કન્ટ્રોલ નહિ થતા રોડની સાઈડે ઉતરી જતા પાંચ જેટલી ઉભેલી મોટર સાયકલોને અડફેટમાં લઈ નેત્રંગથી આવી રસ્તો ક્રોસ કરવા રાહ જોઈને ઉભેલા પ્રવીણભાઈ પંચાલ અને તેમના પત્ની તારાબેન પંચાલને અથાડી તેમાં તારાબેન ઉછળી ત્રણ ગુલાંટ મારી રોડ ઉપર પડ્યા હતા છેલ્લે મારૂતિ સ્વીફ્ટ ગાડી નરેશ હેયર સલુનની દુકાનમાં ઘુસી ગઈ હતી.
આ અકસ્માતમાં ગાડીના ચાલક અને વૃધ્ધને ગંભીર ઈજા થઈ હતી જ્યારે ચાસવડના દંપતીને સારવાર માટે નેત્રંગ લઈ જતા પ્રવીણભાઈ પંચાલનું ગંભીર ઇજાને કારણે મૃત્યુ થયું હતું.વિચિત્ર અકસ્માતમાં બે કાર ,પાંચ બાઈક એક દંપતીમાં એકનું મૃત્યુ અને ત્રણને ઈજા થઈ હતી. પોલીસે ઘટના સ્થળે જઈ ઇજાગ્રસ્તોને સારવાર માટે નેત્રંગ સીએચસીમાં રવાના કર્યા હતા અને કાર ચાલક વિરૂધ્ધ ગુન્હો નોંધી આગળની કાર્યવાહી હાથ ધરી હતી.
