આમોદમાં રાત્રીના સમયે રાષ્ટ્રીય ધોરીમાર્ગ નંબર ૬૪ ઉપર રેસ્ટ હાઉસ પાસે પાંચ ફૂટ લાંબો મગર આવી ગયો હતો જેથી લોકોમાં ગભરાટ ફેલાઈ ગયો હતો.
ઉલ્લેખનીય છે કે રેસ્ટ હાઉસ પાસે હોટેલ પણ આવેલી હોય લોકો મગરને જોઈ ભયભીત બન્યાં હતાં.જેથી હાજર લોકોએ આમોદ વન વિભાગને જાણ કરી હતી.ત્યારે વનવિભાગના રેન્જ ફોરેસ્ટ ઓફિસર રમેશ ચૌહાણની સૂચના અને માર્ગદર્શન હેઠળ વન વિભાગના અધિકારીઓ અને આમોદમાં રહેતા નેચર સેવિંગ ફાઉન્ડેશન સંસ્થાના કાર્યકર અંકિત પરમારે સાથે મળીને રોડ ઉપર આવી ચઢેલા મગરને ભારે જહેમત બાદ રેસ્ક્યુ કરી પાંજરે પૂર્યો હતો.
- વિનોદ પરમાર,ન્યુઝલાઇન, આમોદ