ભરૂચ જીલ્લા પોલીસ અધિક્ષક રાજેન્દ્રસિંહ ચુડાસમાનાઓ દ્વારા આગામી હોળી-ધુળેટીના તહેવારને ધ્યાને રાખી જીલ્લામાં કાયદો અને વ્યવસ્થા જળવાઇ રહે તથા જીલ્લા મેજીસ્ટ્રેટના હથીયાર બંધી અંગેના જાહેરનામાંનો કડક અમલ થાય તે હેતુથી શહેરમાં ગે.કા.મારક હથીયાર લઇ ફરતા અસામાજીક તત્વોને ઝડપી પાડવા આપેલ સુચના આધારે.
શહેરમાં મારક હથીયાર સાથે ફરતા અસમાજીક તથા આવારા તત્વોને ઝડપી પાડવા ભરૂચ લોકલ ક્રાઇમ બ્રાંચની અલગ અલગ ટીમો બનાવી પ્રયત્નો હાથ ધરવામાં આવેલ હતા. આજરોજ ભરૂચ એલ.સી.બી.ની એક ટીમ ભરૂચ શહેરમાં પેટ્રોલીંગમાં હતી. દરમ્યાન મળેલ બાતમી આધારે ભરૂચ સબ જેલ નજીકથી હાંસોટના બે ઇસમો અમન શફી ઉર્ફે પપ્પુ ખોખર હાલ રહેવાસી. ઝકરીયાપાર્ક કાપોદ્રા તાલુકો અંકલેશ્વર જી ભરૂચ,મુળ રહેવાસી.સોનીફળીયુ હાંસોટ તા હાંસોટ જી ભરૂચ, તલહા ઉફે બાબુ મુજમીલ ઉર્ફે મુન્ના શેખ હાલ રહેવાસી ફતેહનગર સ્ટાર એવન્યુ પાછળ એશીયાડ નગર અંકલેશ્વર જી.ભરૂચ મુળ રહેવાસી. હાંસોટ કાઝીફળીયુ તા હાંસોટ જી ભરૂચને સફેદ કલરની સ્વીફ્ટ ફોરવ્હીલ ગાડી નંબર GJ-06-PG-9277 તથા ગેરકાયદેસર મારક હથીયાર સાથે સાથે કુલ મુદ્દામાલ કિ રૂ ૫,૩૮,૩૦૦/- ઝડપી પાડવામાં આવેલ.
પકડાયેલ બંનેવ આરોપીની ઉડાણપુર્વકની પુછપરછમાં આરોપી તલહા ઉર્ફે બાબુ શેખનો ભરૂચ શહેર “બી” ડીવીઝન પો.સ્ટે.ના ગાળાગાળી તથા ધમકીના ગુનામાં છેલ્લા બે માસથી વોન્ટેડ હોવાની હકિકત જણાઇ આવેલ. જે પકડાયેલ બંને આરોપી વિરૂધ્ધ કાયદેસર કાર્યવાહી કરી વધુ તપાસ સારૂ ભરૂચ શહેર “બી” ડિવિઝન પોલીસ મથકમાં સોંપવામાં આવેલ છે.