ગ્ન માટે છોકરો-છોકરી મેળવવાનું કામ સામાન્ય રીતે પરિવાર અને સગા-સંબંધીઓનું માનવામાં આવે છે. પણ મહારાષ્ટ્રના સોલાપુરમાં એક યુવાને સીધા સરકાર પાસે જઈને મદદ માંગી લીધી. સોલાપુર જિલ્લાના મોહોલ તાલુકાના કુરુલ ગામના 28 વર્ષીય કિસનદેવ દત્તાત્રેય નાનવરેએ લગ્ન માટે છોકરી ન મળવાની સમસ્યાને લઈને એક અનોખું આંદોલન શરૂ કર્યું. સૌથી રસપ્રદ વાત એ છે કે આ યુવાને સાફો બાંધીને રકારી કચેરીમાં પહોંચી જવાનું પસંદ કર્યું. તેનો આ અંદાજ હવે સોશિયલ મીડિયા પર પણ ચર્ચાનો વિષય બની ગયો છે.
જેમાં કિસાનદેવનું કહેવું છે કે, તેઓ ખેડૂત પરિવારના છે અને હાલ બેરોજગાર છે. તેમની પાસે આશરે અડધો એકર જમીન છે. આજના સમયમાં લગ્ન માટે મોટાભાગની છોકરીઓ અને તેમના પરિવારો એવા છોકરાને પ્રાથમિકતા આપે છે જે સારી રીતે ભણેલો હોય, સરકારી નોકરીમાં હોય કે તેની સારી પગાર હોય. આવી સ્થિતિમાં નાના ખેડૂતો અને બેરોજગાર યુવાનો માટે લગ્ન કરવું મુશ્કેલ બની રહ્યું છે. આ જ સમસ્યાને ઉઠાવવા માટે તેને એક દિવસીય ધરણા આંદોલન કર્યું છે.
તેમનું કહેવું છે કે વહીવટ અને સમાજે ખેડૂતો તથા બેરોજગાર યુવાનોના લગ્ન માટે મદદ કરવી જોઈએ. સરકારે આને માત્ર વ્યક્તિગત મામલો ન માનીને સામાજિક સમસ્યા તરીકે જોવી જોઈએ. તેમની મુખ્ય માંગણીઓ આ પ્રમાણે છે.
• દુલ્હન શોધવામાં સરકારી મદદ: સમાજ કલ્યાણ વિભાગ દ્વારા સર્વધાર્મિક સરકારી વિવાહ નોંધણી/મેળવણી કેન્દ્ર શરૂ કરવામાં આવે, જ્યાં ખેડૂતો અને બેરોજગાર યુવાનોને લગ્ન માટે યોગ્ય જીવનસાથી શોધવામાં સહાય મળે.
• 1 લાખ રૂપિયાનું લગ્ન અનુદાન: લગ્ન થનારા ખેડૂત અને બેરોજગાર યુવાનોને સરકાર તરફથી 1 લાખ રૂપિયાનું વિશેષ લગ્ન અનુદાન આપવામાં આવે.
• 2 લાખ રૂપિયાનું ઘરકુલ: સંસાર માટે હક્કનું છાપરું મળે તે માટે 2 લાખ રૂપિયાનું ઘરકુલ અનુદાન તાત્કાલિક મંજૂર કરવામાં આવે.
• 2 લાખ રૂપિયાનું વ્યાજમુક્ત લોન: સ્વાવલંબન અને નાનો-મોટો વ્યવસાય શરૂ કરવા માટે 2 લાખ રૂપિયાનું વગર જામીનદાર અને વ્યાજમુક્ત લોન ઉપલબ્ધ કરાવવામાં આવે.
