નર્મદા જિલ્લાના દેડિયાપાડા ખાતે ભારતીય જનતા પાર્ટી (ભાજપ) દ્વારા સંગઠનને વધુ મજબૂત બનાવવા રાજ્યસભા સાંસદ મુકેશભાઈ રાઠવાની અધ્યક્ષતામાં સંગઠનાત્મક બેઠકનું આયોજન કરવામાં આવ્યું હતું. બેઠકમાં પક્ષના સંગઠનને વધુ સક્રિય અને મજબૂત બનાવવા તેમજ આગામી કાર્યક્રમોના આયોજન અને અમલીકરણ અંગે વિસ્તૃત ચર્ચા કરવામાં આવી હતી.
બેઠક દરમિયાન સંગઠનની કામગીરીને વેગ આપવા, કાર્યકરો વચ્ચે સંકલન વધારવા અને આગામી કાર્યક્રમોને સફળ બનાવવા અંગે માર્ગદર્શન આપવામાં આવ્યું હતું. સ્થાનિક સ્તરે પક્ષની સંગઠનાત્મક પ્રવૃત્તિઓને વધુ અસરકારક બનાવવાના મુદ્દાઓ પર પણ ચર્ચા કરવામાં આવી હતી.
આ બેઠકમાં પૂર્વ મંત્રી મોતીલાલ વસાવા, જિલ્લા સંગઠન મહામંત્રી હિતેશભાઈ વસાવા, પૂર્વ જિલ્લા પંચાયત પ્રમુખ શંકરભાઈ વસાવા, આગેવાન રણજીતભાઈ ટેલર, દેડિયાપાડા સંગઠન પ્રમુખ મનસુખભાઈ વસાવા, દેડિયાપાડા સંગઠન મહામંત્રી રમેશભાઈ વસાવા, દેડિયાપાડા તાલુકા પંચાયતના સદસ્ય અક્ષયકુમાર વસાવા સહિત ભાજપના આગેવાનો અને કાર્યકરો ઉપસ્થિત રહ્યા હતા.
દેડિયાપાડામાં યોજાયેલી આ બેઠકને સંગઠનાત્મક કામગીરીની સમીક્ષા, કાર્યકરો સાથે સંકલન અને આગામી કાર્યક્રમોની તૈયારીના ભાગરૂપે મહત્ત્વપૂર્ણ માનવામાં આવે છે.
