ઝઘડિયા તાલુકાના પાણેથા ગામના વડવાળા ફળિયામાં નવરાત્રી પર્વમાં ઘર આંગણે ગરબા જોતી સગીરા ઉપર એકતરફી પ્રેમમાં પાગલ યુવાનનો ચપ્પુ વડે હુમલો કરી તેને મારી નાખવાની કોશિશ કરતા ગંભીર ઈજાઓને પગલે સગીરાને હોસ્પિટલ ખાતે ખસેડવામાં આવી હતી.

ઝઘડિયા તાલુકાના પાણેથા ગામના વડવાળા ફળિયાની એક 13 વર્ષીય પુત્રી ગત તારીખ-બીજી ઓક્ટોબરના રોજ રાતે નવરાત્રી પર્વમાં ઘરઆંગણે મહાકાલી માતાજીના મંદિરે ગરબા રમવા ગઈ હતી અને દંપતી સુઈ ગયું હતું. તે દરમિયાન મધરાતે ઘર પાસે બૂમાબૂમ થતા તેઓ જાગી ગયા હતા. તે વેળા તેઓની પુત્રી ગળાના ભાગે ઈજાઓ પામેલ હાલતમાં આવતા તેણીને માતા-પિતાએ પુછપરછ કરતા તેણે ગરબા રમીને બહેનપણી સાથે ઘર પાસે ગરબા જોતી હતી તે સમયે ગામનો નીલેશ વિષ્ણુ વસાવા તેણી પાસે આવી તેણીને પકડી લીધી હતી. જેથી ડરી ગયેલી સગીરાએ તેને ધક્કો મારી દીધો હતો.

જેને પગલે તે અચાનક ઉશ્કેરાઈ જઈ અપશબ્દો ઉચ્ચારી અને તેને હાથમાં રહેલ ધારદાર છરી ગરદન ઉપર મૂકી ‘તું મારી જોડે નથી બોલતી તને જાનથી મારી નાખવી છે’ તેમ કહી ગળું કાપવા જતા ફળિયામાં રહેતા નરેશભાઈ વસાવા દોડી આવ્યા હતા અને છોડાવવા જતા એકતરફી પ્રેમમાં પાગલ નીલેશ વસાવાએ સગીરાને ગળાના ભાગે અને જેને હુમલામાં બચવા જતા હાથના ભાગે પણ ઈજાઓ પહોંચી હતી. જયારે હુમલો કરી હુમલાખોર ત્યાંથી ફરાર થઇ ગતો હતો.

ઈજાઓને પગલે ઈજાગ્રસ્ત કિશોરીને તાત્કાલિક 108 સેવાની મદદ વડે ઉમલ્લા સરકારી દવાખાને ખસેડવામાં આવી હતી બનાવ અંગે ઉમલ્લા પોલીસ મથકે ફરિયાદ નોંધવા પામી છે

અત્રે ઉલ્લેખનીય છે કે અવારનવાર એક તરફી પ્રેમમાં પાગલ યુવાન સગીરાની છેડતી કરતો હોવાનું જાણવા મળ્યું છે.વડવાળા ફળિયામાં નવરાત્રી પર્વમાં ઘર આંગણે ગરબા જોતી સગીરા ઉપર એકતરફી પ્રેમમાં પાગલ યુવાનનો ચપ્પુ વડે હુમલો કરી તેને મારી નાખવાની કોશિશ કરતા ગંભીર ઈજાઓને પગલે સગીરાને હોસ્પિટલ ખાતે ખસેડવામાં આવી હતી.