આમોદ તાલુકાના મછાસરા ગામે મોટા પાયે જુગાર રમાતો હોવાની ભરૂચ લોકલ ક્રાઈમ બ્રાન્ચને બાતમી મળતાં પોલીસે રેડ કરી જુગાર રમતાં પાંચ જુગારીયાઓને ઝડપી પાડ્યા હતા. જ્યારે એક જુગારી ફરાર થઇ ગયો હતો. પોલીસે જુગારધારા કલમ મુજબ ગુનો નોંધી કાયદેસરની કાર્યવાહી હાથ ધરી છે.
આમોદ તાલુકાના મછાસરા ગામે મોટા પાયે જુગાર રમાતો હોવાની ભરૂચ લોકલ ક્રાઈમ બ્રાન્ચને માહિતી મળી હતી.જેથી પોલીસે મછાસરા ગામના ખેતરમાં ખુલ્લી જગ્યામાં લીમડાના ઝાડ નીચે જાહેરમાં પત્તા પાના વડે હારજીતનો જુગાર રમતાં
૧ ઇબ્રાહીમ અહમદ સુરતી રહે.મછાસરા,૨ અહમદ યુસુફ વૈદ્ય રહે.કોલવણા,૩ ઇસ્માઇલ વલી પટેલ રહે.મછાસરા,૪ ગુલામ યાકુબ પટેલ રહે.મછાસરા,૫ શબ્બીર દુલભા મલેક રહે.પુરસાને ઝડપી પાડી અંગજડતીના રોકડા ૪૮૮૦૦ દાવ ઉપરના રોકડા ૯૩૦૦ તથા એક એક્ટિવા કિંમત ૩૦૦૦૦ મોબાઈલ નંગ બે ૨૦૦૦ના મુદ્દામાલ સાથે પાંચની ધરપકડ કરી જુગારધારા કમલ ૧૨ મુજબ ગુનો નોંધી કાયદેસરની કાર્યવાહી હાથ ધરી હતી.જ્યારે એક ઇસમ ઇકબાલ વલી પટેલ રહે.કોલવણા ભાગી ગયો હતો.
- રિપોર્ટર: વિનોદ પરમાર,ન્યુઝલાઇન,આમોદ