પોલીસ અધિક્ષક ડૉ. લીના પાટીલ ભરૂચનાઓની સુચના અને માર્ગદર્શન હેઠળ ભરૂચ જિલ્લામાંથી ગુનાખોરી નાબુદ કરવા તેમજ ATS ચાર્ટર મુજબની કામગીરી અન્વયે પો.ઇન્સ. વી.બી.કોઠીયાએ ટીમને કાર્યરત કરતા એસ.ઓ.જી. ટીમના પોલીસ અધિકારી પોલીસ માણસો સાથે ભરૂચ શહેર વિસ્તારમા નાઇટ પેટ્રોલીંગમા હતા.
દરમ્યાન પોલીસ ટીમને બાતમી મળી હતી કે જંબુસરથી ભરૂચ તરફ એક સ્વીફ્ટ ડીઝાયર ગાડી નં. જીજે.૧૬-બી.જી-૧૬૦૮ જેમાં પાછળ લાલ અક્ષરે ટાઇઝર ૩૧૩ લખેલું છે તે ગાડીમાં હથીયારો છે. જે બાતમી આધારે એસ.ઓ.જી. ટીમે વોચ ગોઠવી બાતમી વાળી ગાડી આવતા તેનું ચેકીંગ કરતા ભરૂચની હુસેનીયા સોસાયટી રેલ્વે ફાટક પાસે એક ગાડીમાંથી ઇમરાન શૌકતભાઇ ખીલજી, ઉ.વ.૩૫, રહે.સી/૧ વસીલા સોસાયટી, કાળી તલાવડી, માટલી વાલા સ્કુલની પાછળ, ભરૂચ. અને સઇદ ઉર્ફે ભુરો મુસ્તાક પટેલ, ઉ.વ.૨૬, રહે.સી/૫૬ ઝીનત બંગલોઝ, બાયપાસ રોડ, ભરૂચના લાયસન્સ પરવાના વગરની દેશી હાથ બનાવટની પિસ્તલ નંગ-૦૧ કિં.રૂ. ૧૦,૦૦૦/- તથા જીવતા કારતુસ નંગ-૦૨ કિં.રૂ. ૨૦૦/- વિગેરે મુદ્દામાલ સાથે મળી આવતા પોલીસે આ બે ઇસમો વિરૂધ્ધ કાયદેસરની કાર્યવાહી કરી તેમના રિમાન્ડ મેળવવા તજવીજ હાથધરી છે.