ભરૂચ જીલ્લા પોલીસ અધિક્ષક ડો.લીના પાટીલ નાઓ તરફથી ભરૂચ જીલ્લામાં દારૂ/જુગારની ગેરકાયદેસરની પ્રવૃત્તી અટકાવવા તેમજ શોધી કાઢવા સુચના મળતા મદદનીશ પોલીસ અધિક્ષક વિકાસ સુંડા ભરૂચ વિભાગના માર્ગદર્શન આધારે, પોલીસ ઇન્સપેક્ટર એ.કે.ભરવાડ ભરૂચ શહેર એ- ડીવી. તથા સર્વેલન્સ સ્ટાફના માણસો પેટ્રોલીંગમાં હતા.
દરમીયાન મળેલ ચોક્કસ બાતમી આધારે ભરૂચ શહેરના ધોળીકુઇ વિસ્તારમાં આવેલ જનતાબાગ સામે રોડ ઉપરથી એક કાળા કલરની ઓટો રીક્ષા માંથી વિદેશી દારૂની નાની મોટી બોટલ/બીયર ટીન નંગ-૨૧૬, કી.રૂ.૩૧,૨૦૦/- નો પ્રોહી મુદ્દામાલ તથા ઓટો રીક્ષા તથા મોબાઇલ સહીત કુલ મૂદ્દામાલ કીં.રૂ. ૭૧,૭૦૦/- સાથે કુલ ૬ ઇસમોમાં મુસ્તાક કરીમ મન્સુરી રહે, ભીમનાથ મંદિર પાસે, ઝુપડપટ્ટી, બહારની ઉંડાઇ, ભરૂચ,મોહમ્મદ ફારૂક મુર્તુજા શેખ રહે, સ્વામીનારાયણ મંદિર પાછળ, બહારની ઉડાઇ, ભરૂચ,રાહુલ કીશોર કાયસ્થ રહે. દાંડીયાબજાર, ભરૂચ, પ્રદિપભાઇ મહેન્દ્રભાઇ ગાંધી રહે, જનતાબગ સામે, ધોળીકુઈ બજાર, ભરૂચ, રામભાઇ સોમાભાઇ માછી રહે, ખત્રીવાડ, ધોળીકુઇ, ભરૂચ, જિગ્નેશ ઉર્ફે નેરો રાજુભાઇ રાવલ રહે, રાવળીયાવાડનો ટેકરો, ધોળીકુઈ બજાર, ભરૂચને પકડી પાડી કાયદેસરની કાર્યવાહી હાથધરી છે.