છેલ્લા બે દિવસ થી રાત્રિ દરમિયાન પેટ્રોલપંપ પર “હથિયાર થી ફાયરિંગ કરી આતંક મચાવનાર” આરોપીઓને દેશી હાથ બનાવટ ની પિસ્તોલ તથા ૭ જીવતા કારતૂસ સાથે ગણતરી ના કલાકોમાં ભરૂચ પોલીસને બે આરોપીઓ ઝડપી પાડવામાં સફળતા મળી છે. ગત તારીખ ૦૯/૦૫/૨૦૨૨ ના રોજ મોડી રાત્રે દહેજથી આમોદ જતા રોડ ઉપર ચાંચવેલ ગામ નજીક આવેલ ભારત પેટ્રોલપંપમાં હથીયાર બતાવી માથાના ભાગે ઇજા કરી તથા ગડદા પાટુનો મારમારી પેટ્રોલપંપના કાઉન્ટરમાં રાખેલ રૂપીયા ૩૧,૬૪૭/- ની લુંટ કરી નાસી ગયેલ અને તા.૧૦/૦૫/૨૦૨૨ ના રોજ દયાદરા થી નબીપુર જતા દ્રીમાર્ગીય રોડ ઉપર આવેલ રંગ કંપનીના પેટ્રોલપંપના કંપાઉન્ડમાં બે અજાણ્યા બુકાનીધારી ઇસમો બાઇક લઇ આવી પેટ્રોલપંપ પર ભયનુ વાતાવરણ ઉભુ કરવા પેટ્રોલપંપ ઉપર ત્રણ રાઉન્ડ ફાયરીંગ કરી લૂંટવાનો પ્રયાસ કરી નિષ્ફળ જતા ત્યાંથી નાસી ગયા હતા.
પોલીસે આ ગુનાની ગંભીરતા સમજી પોલીસ અધિક્ષક ડો.લીના પાટીલ તથા મદદનીશ પોલીસ અધિક્ષક વિકાસ સુંડા ભરૂચ વિભાગ નાઓએ તાત્કાલીક જીલ્લામાં નાકાબંધી કરાવી તથા બન્નેવ ગુનાવાળી જગ્યાની વીઝીટ કરી એલ.સી.બી., એસ.ઓ.જી., સ્થાનિક પોલીસ વિગેરેની અલગ અલગ ટીમો બનાવી વહેલામા વહેલી તકે આરોપીઓનુ પગેરૂ શોધી કાઢવા સુચના અને માર્ગદર્શન આપવામાં આવેલ.જે અનુંસંધાને મળેલ હકિકત આધારે ઉપરોકત ટીમો દ્વારા વોચમાં રહી CCTV ફુટેજમાં દેખાતા વર્ણન વાળા બે શંકમદ ઇસમોને ઝડપી પાડી
તેઓ પાસેના થેલાઓમાં તપાસ કરતા દેશી હાથ બનાવટની પિસ્ટલ તથા ૭ જીવતા કારતુસ તેમજ રોકડા રૂપીયા મળી આવતા બન્નેવ ઇસમો રવિન્દરસિંગ ઉર્ફે બાજવા બલબીરસિંગ જ્ઞાનસિંગ રહેવાસી- પુરીયાકલાં પીરોની જગ્યા થાના-રંગળનંગલ તા.બટાલા જી.ગુરૂદાસપુર (પંજાબ) અને અમીતકુમાર ઉર્ફે વીકી નીર્મલકુમાર હંસરાજ રહેવાસી- બખ્ખેલાબટાલા થાના-સેવલલાઇન તા.બટાલા જી.ગુરૂદાસપુર (પંજાબ)ની સઘન અને ઉડાણપુર્વકની પુછપરછ દરમ્યાન બન્ને શકમંદ ઇસમો ભાંગી પડેલ અને બન્ને લુંટ તથા બાઇક ચોરીના ગુન્હાની કબુલાત કરતા તેઓ વિરૂધ્ધ કાર્યવાહી કરી આગળની તપાસ માટે નબીપુર પોલીસ મથકે સોપવામાં આવેલ છે અને પકડાયેલ હથીયાર બાબતે વિગેરે મુદ્દાઓની વધુ તપાસ તેમજ લૂંટમાં સંડોવાયેલ વોન્ટેડ આરોપીની શોધ એલ.સી.બી.ભરૂચનાઓ ચલાવી રહેલ છે.
