ભરૂચ ડીસ્ટ્રીક્ટ નેટવર્ક ઓફ પીપલ લીવીંગ વિથ એચ.આઈ.વી /એઇડ્સ (બી.ડી.એન.પી-) જે એચ.આઈ.વી /એઇડસ સાથે જીવતા લોકો નું સંગઠન છે.જેના દ્વારા એજ્યુકેશન કીટ વિતરણ નો કાર્યક્રમ ભરૂચના રોટરી ક્લબ ખાતે 60 એચ. આઈ. વી પોઝીટીવ બાળકોને એજ્યુકેશન કીટ વિતરણ કરવામાં આવ્યું. સૌ પ્રથમ પ્રોગ્રામની શરૂઆત પ્રાર્થનાથી કરવામાં આવી.તેમજ દીપ પ્રાગટ્ય કરવામાં આવ્યું.

બાદ બી.ડી.એન.પીક ના ઉપપ્રમુખ નીમીષાબેન પટેલ દ્વારા મહેમાનોનું શાબ્દિક સ્વાગત કરવામાં આવ્યું. એચઆઇવીની બીમારીથી પીડિત જે લોકો મૃત્યુ પામ્યા તેમના માટે ૨ મિનિટનું મૌન પાડવામાં આવ્યું.આવનાર મહેમાનો દ્વારા બાળકોને અભ્યાસ પ્રત્યે રુચિ અનુસાર સંબોધવામાં આવ્યા. એજ્યુકેશન કીટ માં સ્કૂલ બેગ, નોટ બુક,ચોપડા,કંપાસ, ટીફીન બોક્સ, કલર બોક્સ, પાણી ની બોટલ,પેન બોક્સ,પેન્સિલ બોક્સ 60 પી.એલ.એચ.આઈ.વી. બાળકોને આપવામાં આવેલ.તથા પ્રોગ્રામના અંતે અલ્પાહાર કરાવી પ્રોગ્રામની સમાપ્તિ કરેલ.