ભરૂચ જિલ્લા કલા મહાકુંભમાં ગરબા સ્પર્ધામાં ભરૂચ નગરપાલિકા શિક્ષણ સમિતિ સંચાલિત વેજલપુર મિશ્રશાળાની બાળાઓએ ગરબા સ્પર્ધામાં પ્રથમ ક્રમે વિજેતા બની શાળાનું ગૌરવ વધાર્યું વધાર્યું છે.
બાળકોમાં રહેલી શુષુપ્ત શક્તિઓને એક પ્લેટફોર્મ મળે અને તેમાં આગળ વધી શકે તે માટે સરકાર ઘ્વારા કલા મહાકુંભનું આયોજન કરવામાં આવે છે. ભરૂચ જિલ્લાનો કલા મહાકુંભ ચાવજ નજીક આનંદ નિકેતન સ્કૂલ ખાતે યોજાયો હતો. જેમાં ભરૂચ નગરપાલિકા સંચાલિત વેજલપુર મિશ્રશાળાની બાળાઓ ગરબા સ્પર્ધામાં પ્રથમ ક્રમે વિજેતા થઈ હતી. આ બાળાઓ હવે વિભાગના કલા મહાકુંભમાં ભરૂચનું પ્રતિનિધિત્વ કરશે. સમિતિના ચેરમેન ઈન્દિરાબેન રાજે બાળાઓને અભિનંદન આપી તેમની કલાને બિરદાવી હતી.