આમોદ તાલુકાના અનોર ગામે સવારે નગરીમાં રહેતા એક મકાનની કાચી દીવાલ ધસી પડતાં મહિલાનું વધુ ઇજા થવાથી કરુણ મોત થયું હતું.જ્યારે તેના પતિને ગંભીર ઇજાઓ થતાં સારવાર હેઠળ છે તેમજ દોઢ વર્ષની બાળકીનો આબાદ બચાવ થયો હતો.પોલીસે અકસ્માત ગુનો નોંધી આગળની કાર્યવાહી હાથ ધરી હતી.
આમોદ તાલુકાના અનોર ગામે આજે સવારે ૬:૩૦ કલાકે નવીનગરીમાં રહેતાં સુરેશ ઉદેસંગ વસાવાનો પરિવાર મીઠી નીંદર માણી રહ્યો હતો ત્યારે તેમના મકાનની કાચી દીવાલ અચાનક ધસી પડતાં પરિવારના સૌ સભ્યો દબાઈ ગયા હતા.જેમાં સુરેશ વસાવાને ગંભીર ઇજાઓ પહોંચી હતી.જ્યારે તેમની દોઢ વર્ષની છોકરી ખુશીનો આબાદ બચાવ થયો હતો.તેમજ તેમની પત્ની સેજલનું વધુ ઇજા થવાને કારણે મોત થયું હતું.આમોદ પોલીસે સામુહિક આરોગ્ય કેન્દ્ર ખાતે મરણ જનાર સેજલ વસાવાનું પોસ્ટમોર્ટમ કરવાની તજવીજ હાથ ધરી હતી.
અનોર ગામના આગેવાન અને આમોદ તાલુકા પંચાયતના સામાજિક ન્યાય સમિતિના અધ્યક્ષ મહેન્દ્રભાઈ વસાવાએ ગરીબ પરિવાર ઉપર થયેલી ગંભીર દુર્ઘટના બાબતે દુઃખ વ્યક્ત કરી ભોગ બનનાર પરિવારને સરકારી સહાય મળે તેવી માંગ કરી હતી.
આમોદ તાલુકાના અનોર ગામે આજે સવારે પરિવાર મીઠી નીંદર માણી રહ્યો હતો ત્યારે સુરેશભાઈ વસાવાના મકાનની કાચી દીવાલ અચાનક ધસી પડતાં માતા સેજલબેનનું કરુણ મોત થયું હતું.જ્યારે સુરેશ વસાવાને ગંભીર ઇજાઓ થઈ હતી.જેથી તેમને આમોદ આરોગ્ય કેન્દ્ર ખાતે સારવાર માટે ખસેડવામાં આવ્યા છે જ્યારે દોઢ વર્ષની દીકરી ખુશીનો આબાદ બચાવ થયો હતો પરંતુ માતાનું અવસાન થતાં ગરીબ પરિવારની દીકરીએ માતાની છત્રછાયા ગુમાવી હતી.
* રિપોર્ટર: વિનોદ પરમાર,ન્યુઝલાઇન,આમોદ