ભરૂચની નર્મદા કોલેજની બે વિદ્યાર્થિની ખુશી અને મીરાલી VNSGUની યુનિવર્સિટી વુમન્સ ક્રિકેટ ટીમમાં 100 કોલેજની વિદ્યાર્થિનીઓને માત આપી ફાઇનલ 15માં સિલેક્ટ થઈ છે.
વીર નર્મદ સાઉથ ગુજરાત યુનિવર્સીટીના ગ્રાઉન્ડ ખાતે રવિવારે યુનિવર્સીટીની ફાઇનલ 15 વુમન્સ ટીમનું સિલેક્શન યોજાયું હતું. જેમાં સાઉથ ગુજરાતની 100 કોલેજની વિદ્યાર્થિનીઓ સિલેક્શનમાં ઉમટી પડી હતી.પર્ફોર્મન્સ અને સ્કીલના આધારે ભરૂચની નર્મદા કોલેજ ઓફ સાયન્સ એન્ડ કોમર્સની બે વિદ્યાર્થિનીઓની ફાઇનલ 15 યુનિવર્સિટીની ટીમમાં પસંદગી થઈ છે.
ભરૂચની નર્મદા કોલેજના સ્પોર્ટ્સ પ્રોફેસર ડો. કે.એસ. ચૌહાણે આ ગર્વની વાત ગણાવી હતી. પસંદગી પામેલી ખુશી મારવાડી ભરૂચ ડિસ્ટ્રીક્ટ લેવલ પ્લેયર છે. જે વિકેટ કીપર, બોલર અને બેટર છે. જ્યારે મીરાલી ભાડજા પેસ બોલર છે. બન્નેવ વિદ્યાર્થિનીઓ બી.કોમ. માં અભ્યાસ કરે છે. હવે તેઓ દક્ષિણ ગુજરાત યુનિવર્સિટીની ટીમ વતી ભુવનેશ્વરમાં યોજાનાર ઇન્ટર યુનિવર્સિટી વેસ્ટ ઝોન વુમન્સ ક્રિકેટ ટુર્નામેન્ટમાં ભાગ લઈ પોતાની રમત પ્રદર્શિત કરશે.