ગતરોજ પીએસઆઇ બી આર પટેલ તથા પોલીસ સ્ટાફના માણસો સાથે પોલીસ સ્ટેશન વિસ્તારમાં પેટ્રોલીંગમાં હતા. દરમ્યાન પીએસઆઈને મળેલ બાતમી આધારે અલગ અલગ ટીમ બનાવી બાતમીવાળી જગ્યાએથી કારેલી ગામે કોઠા વગા વિસ્તારમાં પ્રકાશભાઈ ચંદુભાઈ પરમાર નરેશભાઈ રમેશભાઈ પરમાર કારેલી પંચવટી ફળિયાના નિકુલકુમાર હરમાનભાઈ પરમાર કારેલી આથમણા ભાગના દશરથભાઈ દલસુખભાઈ પઢિયાર ચિરાગ ભાઈ રણજીતભાઈ પરમાર વેડચ જયેશભાઈ ઠાકોરભાઈ જાદવનાઓને ટાટા આઇપીએલની વીસ ઓવરની મેચ પર મોબાઈલમાં ગ્રુપ બનાવી તે ગ્રુપ આધારે ખેલાડીની પસંદગી કરી રનફેર સેશનમાં ટીમની હારજીતના સોદા ઉપર જુગાર રમી રમાડી પૈસાની હારજીત કરતા આ આરોપીઓને બાતમીવાળી જગ્યાએથી પકડી પાડયા હતા.
પોલીસે તેઓના મોબાઇલ તપાસતાં મોબાઈલમાં વોટ્સઅપ ગ્રુપ બનાવી તેમાં એક ચાર્ટ આધારે ખેલાડીની વિગત મૂકી ગ્રુપના સભ્યો દ્વારા ક્રિકેટ મેચ ઉપર રમાતા સટ્ટાના ૧૦૦ તથા ૨૦૦૩ લેખે ચૂકવવામાં આવતા પૈસા ફોનપે એપ્લિકેશન મારફતે પોતાના એકાઉન્ટમાં જમા કરાવતા હતા. જેઓના કુલ છ મોબાઈલ કિંમત રૂ ૪૪,૦૦૦/- ના મુદ્દામાલ કબ્જે કરી છ ગુના રજિસ્ટર કરી વેડચ પોલીસે કાયદેસરની કાર્યવાહી હાથ ધરી છે.
* સંજય પટેલ,ન્યુઝલાઇન,જંબુસર